​ນວັນທີ 19/04/2020 ທາງໂຄງການບ້ານຈັດສັນ Green Residence ໄດ້ຮ່ວມກັບ ລູກບ້ານທີ່ຢູ່ໃນໂຄງການ ຮ່ວມກັນສົມທົບຊ່ວຍເຫລືອພໍ່ແມ່ ພີ່ນ້ອງຊາວເມືອງສີໂຄດຕະບອງ ທີ່ໄດ້ຮັບຜົນກະທົບ ແລະ ຂາດເຂີນແທ້ໆໃນຊ້ວງໂຄວິດ19 , ໃນການຮ່ວມບໍລິຈາກໃນຄັ້ງນີ້ປະກອບມີ : ປະເພດເຂົ້າສານ , ອາຫານແຫ້ງ ແລະປະເພດຜັກສົດຈຳນວນໜຶ່ງ ຮ່ວມກັບໂຄງການ "ແບ່ງປັນນ້ຳໃຈຕ້ານໄພໂຄວິດ19" ລວມທັງຫມົດ 1,200ຊຸດ ເປັນມູນຄ່າ 300ລ້ານກວ່າກີບ ເພື່ອແບ່ງເບົາພາລະ ໃຫ້ກັບພໍ່ແມ່ພີ່ນ້ອງ ຜູ້ທີ່ໄດ້ຮັບຜົນກະທົບໜັກແທ້ໆໃນ ເມືອງສີໂຄດຕະບອງ , ໃນພິທີມອບຮັບເຄື່ອງບໍລິຈາກດັ່ງກາວໂດຍເປັນກຽດເຂົ້າຮ່ວມງານ ມີທ່ານເຈົ້າເມືອງ ເມືອງສີໂຄດຕະບອງ ແລະ ນາຍບ້ານຈາກ 6ບ້ານ ເຂົ້າຮ່ວມຕາງຫນ້າເພື່ອຮັບເຄື່ອງບໍລິຈາກໃນຄັ້ງນີ້

ເປັນອີີກໜຶ່ງໂຄງການອັນດີ ທີ່ໂຄງການບ້ານຈັດສັນ Green Residence ແລະ ລູກບ້ານໄດ້ຮ່ວມສົມທົບຈາກໃຈຈິງ

ທາງໂຄງການບ້ານຈັດສັນ ຂໍເປັນກຳລັງໃຈໃຫ້ກັບຄົນລາວທັງປະເທດຮ່ວມໃຈກັນປະຕິບັດ ຕາມຄຳສັ່ງທີ່ພາກສ່ວນກ່ຽວຂ້ອງແຈ້ງການອອກມາຢ່າງເຄັ່ງຄັດ ເພື່ອທີ່ຈະຜ່ານວິກິດຄັ້ງນີ້ໄປໄດ້ໂດຍໄວ